kar chetan ka sanchar chalee
mere wakshasthal par dekho
is paar chalee uspaar chalee
chanchal chapala sundar shashiprabha
unmukta gagan ke aasapaas
wah tod bandhanon ko saare
karatee rahtee hai nit vilaas
sakuche salajja par tej bade
mukhapar do lochan lol rahe
mridu madira ke do ghat
jaise hon dheere dheere dol rahe
uski saanson ke saragam mein
lagta hai jhanjhawaat chale
jo maun chaturdik mahak raha
wah malayanil le saath chale
un rakta dookoolon ke andar
yoon ithalata hai ang ang
bin maryaada ko kiye bhang
saagar mein jyon uthati tarang
asha abhilasha utkantha
ai trishna tere kai naam
ho jaatee hai too prabal badi
usa divya jyoti ka dekh dhaam
nij dhaara mein too dekh swayam
mansij ke jalaj vikas karen
antarman kee ekakee ko
kar door sukhad
suprakash karen
too wandaneeya tab ban jaaye
maya poorit ho nit lalaam
jagatee kee param vibooti aho
too jeewan rasa sukhaprad sakaam
tere man tan kee pulak ban rahee
sahaj prem nayanaabhiraam
maanava jeewan ke sukha swarnim
hey nawa yauwan tujhko pranaam .
No comments:
Post a Comment