माओ वादी

*Jhuthlate hain maovadi
Ab yeh lijiye ! Aadivasi kshetron me vikas nahi pahunch paya , isliye loge aatankvadi ban gaye school nahi pahunch paya , sadakein aur aspatal nahi pahunch paaye , fir maovad jaisa ati pragatishil siddhant kaise , kis raste , kis upay-prakar se unke paas pahunch gaya ? bandookein , surangein aur atyadhunik hathiyar unke paas kaise pahunch gaye ? jinhone ise unke paas pahunchaya ,we unke paas tab vikas bhi pahuncha sakte the aisa kathin vaigyanik darshan kaise kathit agyani- andhvishwasi jan jatiyon ki samajh me itni aasani se aa gaya ? jo amuman kisi bhi bahya sanskritik ghuspaith ya hastakshep ko sweekar – bardasht nahi karte ?ydi hinsatmak maovadi aandolan unki peeda aur sarkar ki upeksha ka pratifal hai to uska naam janjateey hinsatmak andolan to ho sakta tha , yeh unke beech late shree Mao saheb apna coat pahan kar kaise pahunch gaye ? kya bhara tha unki jebon me jise dekhkar janta unpar itni mugdha ho gayi ki apne sangharsh ka naam unke naam par aur swayam ko bhi unke supurd karke apne khaq hone ki parwah na kar Maovadi ban gaye ?
Kyon jhuthlate hain apne aap ko ye ati-vampanthi loge ? kyon we is bhram me hain ki desh ki samoochi buddhi ko bharma kar apni ore kar leinge aur saare loktantrik buddhijeevi Arundhati Roy jaise aviveki ban jayenge ?#
*Communiston ne tab bhi galti ki thee jab bhartiya swatantrata ko unhone azadi nahi maani thi iska to khair baad me unhone parimarjan kar liya ab doosree galti ye ab kar rahe hain jo is langdee – loolee aazadi ki jadon me mattha dalne par tule huye hain hindustan me ,inki kuchh khubiyon ke bawjood, inka janta dwara kuchh bhi pariposhan janta ke liye ghatak ho jayega #
*Arundhati Roy
Bharat me jinki pratishtha angrezi me kiye gaye kaam ke liye videshi puraskar ke bal par arjit hui hai ,aur shahron me suvidha bhogi jeewan jee rahi hon , jab janta ka paksha lene ka natak karte hain to we vishwasneey nahi lagte albatta jab we loktantrik sarkar ko matiyamet kartee hain to vishwasneey ho jaati hain ,kyonki unka kaam hi yahi hai , unki izzat hi isee baat me hai sarkar ke jitna virodhi , utne hi we pragatishil mane jayenge yhi paribhasha ho gayi hai ab pragatishilta ka !
Par kya we samajhti hain , is tarah we vam panthi andolan ka shreya utha le ja payengi ? jee nahin , communist bahut hi chatur aur shatir hote hain pata hai aise logon ke bare me we kya khyal rakhte hain ? Roomani krantikari Tathapi we inka poora istemal apne uddeshya ke liye karte hain aur khali haddi fir sadakon par fenk dete hain fenk hi dena chahiye aise logon ki yahi niyati honi chahiye Lekin tab tak to ye loge communist ideology ko anavashyak hi surplus value se labrez kar rahe hain , aur inki chapet me chhote – chhote ya naye vicharak , buddhijeevi ,kavi-lekhak to aa hi jate hain jinhe jab tak inki vastavikta ka gyan aata hai tab tak badi der ho chuki hoti hai , isliye we aajeewan is se chipke rahne aur inka bhonpa bajane ko vivash hote hain yeh vaigyanikta ka loot ,bhrashtachar hai jise buddhijeevi gan badi safayi se badee matra me anjam de rahe hain choonki ye ye ati –kathit –shikshit aur degree dhari loge hain isliye inse nijat pana sadharan vishvasi janta ke liye bahut mushkil hota hai yeh nuksan hai in logon se is desh ko ki ye vigyag vad ke naam par andh vishwas faila rahe hain janta ke beech ###