केतनेव जन सरग सिधार गए,बचपन औ भरी जवानी मा ॥
यहि देश कै भैया का होई ॥ आओ हम....
छन्नूमल गरम मसाला मा, घोडी कै लीद मिलाय रहे ।इस्पिट्टर कै मुट्ठी गरम करैं ,औ मन ही मन मुस्काय रहे॥
यहि देश कै भैया का होई ॥ आओ हम....
नौकरी के खातिर बेटवो अब , बप्पा कै गटई काटि लेई।गहना पैसा हथियाय बहू,सासू कै टेटुवा दाबि देई ।
यहि देश कै भैया का होई ॥ आओ हम....
लखनऊ मा पढ़ती मिसरा जी की , नातिन बिरिज किसोरी है।अम्मा पूछैं बिटयौनी से, ई छोरा है कि छोरी है॥
यहि देश कै भैया का होई ॥ आओ हम....
मोहम्मद जमील शास्त्री
No comments:
Post a Comment