patna: govindacharyan ki rah par harendra pratap

bihar bhajapa ke varishat neta aur asam ke prabhari harendra partap urf bhajapai baba govindacharya ke raste par chal rahen hain. yah arop hai unke hi karibi rahe ek MLC ka. MLC ka manana hai ki jab vajapeyi ji satta me the to govindacharya ji pratipaksha ki bhumika me the. swadeshi jagaran manch mediavalon ke liye pasandida vishaya tha. lekin NDA ke satta se jate hi govindahcharya bhi kahin kho gaye. swadeshi jagaran manch bhi kahi kho gaya.
usi raste par RSS ke pracharak rahe harendra pratap bhi ja rahe hain. mediavale bhi unhen uchhal rahen hain. lagata hai asali pratipaksha ki bhumika me harendra pratap hi hain.
sutron ki mane to jab BJP vipaksha me thi aur college shikshakon ki hadatal karib 4 mahine chali thi tab harendra pratap ne koi andolan shuru nahi kiya tha. jabaki we BJP ke pradesh mahamantri the. aur ab jabaki bhajapa satta me hai to harendra pratap vipaksha ki bhumika me hain. dusare shabdon me kahen ki we ab asantuston ke sarvamaya neta ban gaye hain.
mana ja raha hai ki mediavale harendra pratap ko parti se nikalvane ke bad hi chain ki sansh lenge. media me jis tarah se unhen uchhala hai aur HP utsahit hain, uski parinati govindacharya ki gati me hi ho sakati hai.