Naxalvad

Subject: Naxalvad And Co.
*Jaise bharat ke sadhu-santon, pravachan kataon , aghori tantrikon ke bare me kaha jata hai ki unhone poore desh ko bharmaya hua hai , usi prakar ek international sant Baba Marx ne bhi porio jagti ko khoob bharmaya [albatta ise unke bhakt manenge nahi ,man gaye to kya bhakt honge] , aur abhi bhi bhram ka yeh nasha duniya se door nahi hua hai Iska karan unke siddhanton ki vaigyanikta nahi ,balki usme bhare huye josh aur hare- bhare bhavishya ka aakarshak swapna aur sath me atiranjit political activism ,playful sportsmanship ke teamwork ka utsah ,kuchh kar rahe hone ka santosh bhav hai GEETA ke karmandeva ki tarah Yeh bhi manushya ki maulik chah hai aur isliye inke bhoke pyase mehnatkash karykartaon ka koi dosh nahi hai Chinta unke is bhram se hai ki wh koi daivi Kranti kar rahe hain aur iske peechhe tension karke apna swasthya kharab karte hain Marx ke jadu ka karan yeh bhi hai ki duniya me mazdoor hain ,ve rahenge , unki dasha bhi apekshakrut kharab rahegi aur unke prateek sambal ke roop me Marx vaad chalta rahega yeh rukega jab anya samajik shaktiyan jase e.g Islaam ,jisme barabari-bhayichara-comradeship ki badi gunjayish hai ,ya anya dharm-sampraday ,koi naya naitik vaigyanik –dhrmik vichar ghareebnawazi ko apna mool uddeshya bana le ,aur nikatastha samta ka rukh akhtiyar kar le wh zyada kargar hoga kyonki wh kewal rajya hasil karne aur tab kuchh kar pane ka bahana nahi dhoondhega na use jaldbaji me himsa ka sahara lena padega wh manushya ko manushya samjhega ,rajya ka adheen hissa koi keeda- makoda nahi , use aur manushya ban ne ka marg prashast karega wh chaitanyata ki ladayi hogi prolitariat ke apne andhvishvason aur neech dharnaon ke khilaf jiske nate bhi samaj me shashan aur gair barabari bani huyi hai wh bandook ki naliyon se kewal satta –prapti ki ladayi nahi hogi bas isee satta ke chhaliye se jis din janta ka mohbhang ho jayega us din ek manushik kranti prarambh ho jayegi

*[4/11/09] Aadivasi kshetron me vikas ka tota hai ,isliye maovadi hinsa me abhivruddhi hai , yeh to sachmuch dukh ki baat hai Sarkar to ab bhala wahan kya khakar vikas karne jayegi ? to aisa kiya jana chahiye ki inhi asantusht hinsak guton ko sarkar sau-pachas arab-kharab rupaye saunp de ki bhaiya yeh lo ,aur aadivasiyon ki bhalayi ke liye jo bhi tum karna chahte ho karo par is desh me aur is bhale kaam ke liye hinsa ka marg mat apnao. Par ek sawal to ,fir bhi anuttarit rah jata hai ki in beehad jangalon me terhe- merhe durgam raston se vikas nahin pahunch paaya ,to bhala ye bam-bandooken wahan kaise pahunch gayin khair chhodo , ab to jaise AK-7 vagairah gayin hain usi raste se vikas-maiya ko bhi panhucha do aur khush raho #
*Aajkal tamam bhrashtachar aur scam ke mamle chal rahe hain ,aur aashchary hain ki main lagbhag chup hun Ek to is karan ki mere kuchh karne ko wahan ab bacha nahi ,aur doosre ki tab mujhe iska bhi khulasa mangna padega ki ati-deen-heen gareeb aadivasiyon ke neta naxalvadiyon ya Maovadiyon ke paas itni athaah – akoot sampatti kahan se aa gayi ? #

*Haan nahi to !
Ydi maovadi neta ka naam Kishan ji hai ,tab to koi samasya hi nahi hai hamein unki Raasleela Saharsh sweekar hai
*Haan , Chidambaram ki baat sahi hai ydi maovadi aur Arundhati Roy jan pakshdharta ke kaam kar hi rahe hain, tab to unhe vote ke madhyam se satta me aa hi sakte hain ! unhe is se kaun rokta hai ?#
*Marxvadiyon ka saath –sahyog hum isliye bhi nahi de sakte kyonki ve mao vadiyon , Trinmooliyon ke nishane par hainaur hamein apni jaan pyari hai [4/11/09#
*Sudhish pachori ne maovadi manas aur karm ka gazab ka vishleshan kiya hai [jansatta 4/11/09]#
*Ise suniye aur hinsa ki shakti pahchaniye #
“Those who say that the gun had no role let me tell them , it highlighted the issue of kashmir “
[Mehbooba Mufti PDP chief , HT-4/11/09] isee aadhar par maovadi karyvahiyan bhi dekhein unhe bhi to apni oor desh ki nazar kheenchni hai !#
*Odisa me collector aur junior engineer ko bandhak banaye jane par unhe chhodne ke liye maovadiyon ne jo mangen rakhi hain , usme ek sinchai pariyojna ko bhi vapas lena shamil hai Buddhijeevi fir bhi kahenge ki vikas ka na hona naxalvad ke ubhaar ka karan hai 20/2/11 #
* vinayak sen aadivasiyon ke beech bahut lokpriya the To wh collector bhi unke beech bahut lokpriya tha fir dono ke saath naxaliyon aur unke samarthkon ke vyavhar me itna antar kyon ?
Aur jante hain , mother Terressa kuchh kam seva nahi kar rahi thee . lekin unke baare me communiston ki kya rai thee ,kuchh yaad hai unhe ,jo aaj Dr Vinayak ke sewakarm ka gun gaate nahi thakte hain ?#
* satta banduk ki nali se nikalti haai “ ,ydi ise maovadi theek maante hain ,to yahi neeti to sarkar bhi apna rahi hai –ki satta banduk se hi qayam rakhi ja sakti hai “ par tab inki nani kyon marti hain , aurchilllate firte hain ki hai-hai sarkar hum par zulm dha rahi hai ?#
* mere khyal se duniya bhar ke darshanon ke beech maovad ka darshan ek kalank hai aisa darshan kabhi kahin ,kisi ne nahi diya aisa gair-insaani siddhant jisme aadmiyon ko maar kar unka jeewa sukhi kiya jaata hai sao crore janta me se bees ,pachees –pachas crore ka khatma kar dijiye ,to shesh ka jiwan to sukhmay ho hi jayga isme kaun si nayi khoj kar lee vidambana yeh ki yeh us desh ki khoj hai jahan Confusius jaise vicharak ho chuke hain ek moti baat inki samajh me nahi aati ki ydi inhe satta prapt karni hai to sarkar ko satta bachani bhi to hai ? aur dono ke siddhant ek hain to fir shanti aur pragati kahan ,sirf kursi ka yuddh hai ##
*Mera khyal hai , Bharat ke vaampanthi ba-raste trade unions aate hain , ve jahan bhi kaam karte ya kar chuke hote hain , zyadatar Bank –Bima me , uski safalta ke karan ve Marxvad –Leninvad- Maovad ko bina vichare labade ki tarah odh lete hain , bas In vaadon ke prati vaigyanik chetna unki roodh hoti hai aur ve uska manovikas karne ki zahmat nahi uthate #
*Vikas ka mudda uthane ka surag unhe manavadhikarvadiyon se mila varna yeh unki maulik chinta na thee na hai wh unki jeewan pranali hai #
*Yeh salah sahi hai ki maovadi hinsa ko rajya ki hinsa dwara samapt nahi kiya ja sakta , ya nahi kiya jana chahiye Kyonki rajya-hinsa ke virodh me fir naxalvadi hinsa tej hogi aur use hinsa ki tarkik zamin milegi Par sawal yeh hai ki yehi baat aap maovadiyon ko kyon nahi samjhate –ki aye bhai atankvadi ! ydi tum hathiyar se rajya ke prateek laghu-manav police karmi ko maroge to fir rajya ko bhi tumhare viruddh safai abhiyan ka thos bahana mil jayega aur hum tumhari madad na kar payenge
Ajeeb rawaiya hai buddhi jeeviyon ka ! jitne dharna –pradrshan –juloos manav –adhikar vadiyon ne sarkar ke khilaf naxali samarthan me kiye ,kya koi virodh inhone naxali hinsa ke khilaf unke kshetron me kiya ? koi nahi Inki shubeksha hai ki sarkar to inse thar thar kanpe ,par unhe sarkar ki taraf se poora abhaydan mil jaye aisi naitik vyavastha hai inke vicharon me ##